الممثلة سوسن معالج :”العالم طار تقنيا و بصريا و أحنا قعدنا عرر…”
![سوسن معالج](https://aljoraanews.net/wp-content/uploads/18589000_1525292267501483_2872900824585077509_o.jpg)
كتبت الممثلة سوسن معالج تدوينة جاء فيها
و مرّت المهرجانات و صحيت من الاعلانات ، و جيت ندلي بدلوي ع الّي جرى من مهازيلك :
ندحيه الي ما ينام الليل الي فكّر و تصوّر و أنجز هاك الضو اللآد الي لكّزوه على ركح مسرح قرطاج مخي كل ما نغزر لهاك العرصة الي على يسار الركح و الشكل الي مصورينو بالضو ، سامحوني الله غالب ، حد ما شاف ؟ حتى ما قال عيب ؟ حد ما قال ماهذه الرسمة ؟؟
ولا زعمة انا مخي و عينيا ساف پا؟؟
ايه باهي فسرولنا علاش هكاكة فوق الاثار الرومانية ؟؟ شرايط لاد يا ربي حني ؟؟
و شكون عطاكم الاذن باش تمسوهم اصلا الاثار متاعكم هوما ؟؟
ما عنّاش وليدات و بنيات يطيرو طيران في الديزاين و التقنيات البصرية الي كانت ممكن تلقا فكرة راقية
و جميلة بصريا دون تشويه الاثار الرومانية و الاعتداء الذوقي السافر على التاريخ ؟؟؟
تسمعو بحاجة اسمها Vidéo Mapping مثلا ؟؟؟
وهاك الجمعيات متع التراث و المعهد الوطني متع المحافظة والكذا وينكم ؟؟ نورمال ؟؟ هذا مفهومكم للتراث و الحداثة ؟؟
لا حول ولا قوة إلا بالله
هانو استنّيت توفا المهرجانات باش نفرّغلكم ڤلبي من غير ما يبداو يرميو علينا في الاتهامات بال buzz و افتعال الأزمات .
مع حبي ماعادش تعاودو صنعتكم پليز
سيّبو الآثار يهديكم
عيّطو للفنّانين الصغار , مواليد التسعينات منو هكة كي تحبو تعملو ضريبات حداثة ع الترات ، راهو العالم طار تقنيا و بصريا و أحنا قعدنا عرر
رجاءا
يهديكم
يرحم والديكم
PS:
نوافيكم بمقالات رأي أخرى في نفس الموضوع من باب المساندة النقدية قال الآخر