الممثلة سنية بلقاسم :” لازمو نروح نلقى راجلي يطيبلي عشايا و يغسل الماعون و يسيق… “
“المرا التونسية أكثر مرا مظلومة في العالم العربي… تخدم نهار كامل في الشارع .. تروح للدار دوبما تنحي صباطها تمشي اطيبلو عشاه و تتلهى بالصغار و سي السيد يروح طول يمشي للقهوة يعمل شيشتو و يحلق مع اصحابو و مبعد يروح للدار يكبلها سعدها كان العشا ما جاش على كيفو .. المرا التونسية تلخصها في هذا؟! تظن الي انا نهار كامل نخدم في الشارع باش نروح نطيب عشا سي السيد؟! انا زادا نخدم لبرا و كمرا ناجحة وقتها لازمو يروح يطيبلي عشايا و يغسل الماعون و يسيق و يهبط الزبلة و يتلهى بالصغار و انا كي نروح للدار ناخذ راحتي و كان بعد الخدمة انا زادا نحب نتعدى نعمل قهوة مع صاحباتي من حقي “
