الممثلة سارة الحناشي :” متصالحة مع جسدي … و من بعد اولاد مفيدة رصتلي عند الطبيب “

في حضورها في اذاعة الديوان اف ام  قالت الممثلة التلفزية و السينمائية سارة الحناشي : ” انا بعد أولاد مفيدة عشت الشهرة لكن الشهرة ضرتني…تلقى روحك الصباح ساي وليت معروفة اقل حاجة تهبط على الفايسبوك والناس تسب …انا ما اخترتش الشهرة انا نحب التمثيل واكهاو … نلقى سبان مجاني الفنان راهو يحس عندو عايلتو كيفاش باش نجاري هذا الكل …الحمد الله الناس بداو يستانسو بية … انا وصلت مرضت و مشيت للطبيب نفساني …فمة غيرة كبيرة في الدومان …علاش في تونس الناجح ديما نحبو نكسروه… نحب نشكر الناس إلي بعثولي les messages باهين على آخر ظهور لية مع أمين قارة ”

“نصيحة نجم ننصح بيها إلي في عمري ولا إلي أصغر مني ، وقتلي احساسك يقلك ماتعملش حاجة ماتعملهاش … ندمت على مسلسل أولاد الغول على خاطر أنا مستانسة بطريقة عمل معينة ، أنا كي نخدم نحضر خدمتي برشا ومانحبش الارتجال .. الكوارط الكل كانت مفروشة في المشروع هذاكا أما ماركبتش حتى طرف ، وأنا عندي الخدمة حاجة ياسر مهمة … الظروف ماكنتش باهية جملة ومهم برشا أنو من المسلسل هذا ومن المشروع لاخر منغير مانسميه (فيلم اطياف) أنا توا فرحانة علخر إلي السنا جاوني مقترحات ووليت نقول لا facilement .”

و كانت الحناشي خلال اطلالتها التلفزيونية السابقة قالت انها متصالحة مع جسدها و انها تقبل الادوار الجريئة و يذكر في هذا السياق ان الممثلة قد اشعلت مواقع  التواصل الاجتماعي بصورة راجت لها خلال جلسة تصوير .