كتبت الممثلة رانية القابسي على صفحتها على التواصل الاجتماعي ما يلي :
وقتاش يكلموك التلافز و الراديوات الكل
وصفة سحرية بش تتشهر أكثر في تونس
وقتاش تحقق نسب مشاهدة عالية …..
شد عندك …
-تتوقف في بوشوشة
-تدخل الحبس
-تطلق
-تعرس عرس موش مفهوم لا راجل لا زداق جوست فاما بذخ
– تحبل و من المستحسن بلاش صداق يكلموك أكثر هكاكا
-تلبس روبة شفافة فيها فونت و إلا ديكولتي
-تسب صاحبتك ممثلة و إلا فنانة من مستحسن تجاوبك و تهبطوا ريش كان لزم من شعورات تعملو allée retour
و مبعد بجمعة ماذابيك يتدخل طرف آخر من مستحسن معروف بش يرجعكم و ما صار شي
-تمرض و تهبط تصاور سيروم في يدك
-تسب راجلك و إلا تفضح مرتك
– تخرج تنوح في ستوريات على أي موضوع حتى تافه
-تعمل غنايا خايبة فيها غشتين ثلاثة و كيلو أوتوتيون دزيري
و وقتلي تموت …أوووه جو عليك تولي عظيمة في القبر
تصاورك و فيديواتك و عائلتك و صحابك الكل يتعداوا في الإعلام بعد عمر طويل
وقتاش ما يكلموكش التلافز و الراديوات
-وقتلي تنجح بالڤدا في قرايتك و مثلًا تجي الأولى
-وقتلي تمثل في فيلم و إلا تشارك في مسلسل
-وقتلي تخرج غنايا مخدومة مليح
-وقتلي تكون متربي وتكره البوز
-وقتلي حاسيلو يبدا جوك باهي هاو وجهي كان تفكروك أصلًا و إلا تبعوك
لازم ديما تنوح و تندب و موقف و روشارشي و سعدك مكبوب و بفضايحك و خرمك على بارا و كافارا و مطلق و إلا خطوبتك تفسخت على خاطرو خاين و إلا نرجسي …
و و و و و و و و و و و
يحيى الذوق التونسي إعلام بلادي قول في مكتب محامي مقابل محكمة تونس الإبتدائية
تتشلك تتعدا ترتقي توفى
