القاضية كلثوم كنو للفخفاخ : نحب نفهم أشكونهم الي قاعد تستشير فيهم قبل ما تصدر أي أمر حكومي

كتبت كلثوم كنو :

كليمة للسيد رئيس الحكومة

نحب نفهم أشكونهم الي قاعد تستشير فيهم قبل ما تصدر أي أمر حكومي !!!!!

ياخي عندك فكرة على الفصلين 46 و47 متاع الدستور التونسي والا لا؟؟؟؟

راهو حقوق الطفل على أبويه موش كان على أمه

وزيد بأي حق ما تخليش الاختيار الأبوين و هوما الي يقررو فيما بينهم أشكون يبقى مع الأبناء الي عمرهم أقل من 15 سنة اذا الغاية هي حماية الأطفال من الوباء وتحد من حرية النساء من التنقل دون الرجال؟؟؟؟

يا سيد رئيس الحكومة في بالك الي هذا القرار يكرس مفهوم الذكورية وعدم المساواة بين الرجل والمرأة!!!

مالا حسب رأي سيادتك توة ينجم أي واحد يمشي لمركز الشرطة يعلم الي جارته الي عندها ابن أو بنت أقل من 15 سنة خرجت من دارها وما ألتزمتش بالحجر الصحي. والمرأة هذه نعاقبوها

يا والله قرارات تاخو فيها يا سيد رئيس الحكومة

زيد قلي نصطاد في الماء العكر