التلميذ أمين السلايمي باكيا :” خرجت من معهد الفنون بسبب مهذب الرميلي ..”
![](https://aljoraanews.net/wp-content/uploads/318214383_706591604243736_7646269602049104837_n.jpg)
من ولاية صفاقس تلميذ كان يدرس في معهد الفنون بالعمران يبكي بالحرقة ويقول
:” عمري مننسى نهار 10نوفمبر 2022 كان أتعس نهار في حياتي والسبب إلي خلاني نجبد الشهادة المدرسية متاعي ونتخلى على حلمتي ونخرج مالمعهد هو التنمر والكلام الجارح من الأستاذ مهذب الرميلي قريت عندك 6حصص أول حصة محلاك أما من بعد كل مرة نبزة والكلمة إلي أفاضت الكأس وزدات حرقتني وعمري ماننساها “إنت ناقص نضج” يمكن بارشا عباد يشوفها تافهة لكن كان عطيني كف ننساها و الكمة هاذي لين نموت مننساهاش هيا إلي دمرتلي حلمتي رغملي أنا بابا وأمي مطلقين وظروفي المادية تاعبة ونعيش مع أمي بجراية 120د ومننساش نهارتلي تعديت لمعهد الفنون أمي باعت بلالطها باش مشيت نقرا . كان أعز معهد ورغم الظروف القاسية والبعد لقيت التأطير الكامل من كل المربين نحبكم برشا ونشكركم من قلبي لكن للأسف ملي جاء مهذب الرميلي كل شيء تبدل أنا خرجت أما مساكن التلامذة إلي قاعدين غادي”.