الى نواب البرلمان : ما تنشاوش الرومان والبيزنطيين والفينيقيين والهكسوس والتكسوس احتلونا

نشر برهان بسيس تدوينة على صحفته على الفايسبوك جاء فيها ما يلي:

فمة كتل تقترح إضافة للائحة طلب الاعتذار من فرنسا مطالبة تركيا أيضا بالاعتذار…
نحب نذكر لولاد انو الاحتلال العثماني جا عوض الاحتلال الاسباني، مافيها باس زادة السبنيور يعتذرولنا خاصة ولكلنا نتذكرو كيفاش جيشهم حوّل جامع الزيتونة الي مربض للخيل كي دخل لحاضرة تونس… ولولاد في باردو ماذبيهم زادة يتذكرو بني هلال الي احتلونا وعاثو في بلادنا فسادا ولو انو عنوان بوزيد الهلالي مازال موش واضح في صعيد مصر واهوكا فرصة ندزو فازتنا على نظام السيسي…. وبالطبيعة لولاد ما تنساوش عقبة بن نافع وحسان ابن النعمان هاذيكة واضحة السعودية وقبلهم الرومان والبيزنطيين والفينيقيين والهكسوس والتكسوس وياجوج ومأجوج وذو القرنين ……
برافو لولاد… تونس يا حبيبتي يا تاج الأوطان…….