ماذا يحصل داخل النجم الساحلي : خنفيري و مهازل و حرب شقوق

اكدت صفحة مقبرة الغزاة الطكاشفة لكواليس النجم الساحلي جملة من المعطيات المخجلة و الكارثية التي تقع في عائلة النجم الساحلي  محتواها عراك و سباب و حرب شقوق  … و اترك لكم نص التدوينة و لكم الحكم :

“جمعة كاملة الزوز مدربين هاذم يتعاركو ويتهددو على بعضهم شكون الأول وشكون الثاني …

ماهر القروي نهار الثلاثة يعين شاكر الزواغي مدرب أول في ليتوال ، نهار الأربعاء الصباح معز القزاح يستقيل ويقول يا اني مدرب أول يا موش لازم وبعد إجتماع مع الهيئة المديرة يقع تعيين القزاح مدرب أول
التيار ما يتعداش بين الزوز مدربين ، والحصص التدريبية تتعدى ثقيلة وكل واحد شادد فرد على لآخر ، وصل مساعد من المساعدين يكلم ماهر القروي يقلو إيجا اجري راهي خلات ، برا جيب مدرب على روحك …
شاكر الزواغي مسنود من الشيخاوي ومن المساكني و البلبولي والمرافق حمدي المبروك وكوادر الفريق ومن ماهر القروي أيضا ، و القزاح مسنود من بعض مستشاري الرئيس ، والمساكني يعمل دجلة علاش موجود في المدارج وهو حاضر بش يلعب يطلب تفسير من القزاح …
اليوم الزواغي يعيط لفيني بوغونغا يسخن ويهبط وبعد درجين القزاح يخرج فيني …
ليتوال ولات روضة ، والهيئة المديرة تتحمل المسؤلية كاملة …. الأمور ما تنجمش تتواصل هكا …
مانيش نحكي على ماتش اليوم ، خاتر أولادنا الصغار اني اكثر شخص نعرفهم تفرجت على قرابة 40 مباراة للفريق الثاني للنجم الساحلي ونعرف مليح إلي أولادنا عندهم برشا كرة في ساقيهم وقادرين مع مدرب كبير على تقديم مقابلات خير من اليوم بألف مليون مرة …
إلي صار قبل مباراة الترجي من الزوز مدربين عمرو ما صار في تاريخ النجم الساحلي ، والسبب واضح ومعروف هو عدم وجود مسؤلين كبار قادرين على فرض الانضباط وعلى ملء الفراغ الإداري الموجود في النجم …

مقالات ذات صلة

زر الذهاب إلى الأعلى
error: Content is protected !!