د.أحمد القديدي : يا سيدي الرئيس موش ها المشاهد هذي اللي يستنا فيها شعبك

كتب : د_أحمد_القديدي

أيقظوا الغافلين! شعبنا يصبح كل يوم على مشاهد ترويع الأطفال و النساء للبحث عن المفتش عنهم و هؤلاء ملاحقون بلا حكم قضائي… و اختارهم من اختارهم للتفتيش من هو ضد مبادئهم…لا غير !

ثم التوانسة يصبحو على مشاهد ضرب متظاهرين في شارع بورقيبة…و على مداهمة دبوات يتبين بعد ذلك أنها مرخصة من وزارات الصناعة و التجارة…و أن الأسعار ما هبطتش! هذا هو الخبز اليومي للشعب اللي يستنا في مؤسسات دستورية تعوض المؤسسات البايدة و يستنا في محكمة دستورية (قيل له أن أجلها تعدى….!) و يستنا في علاقات جوار و تعاون مع أشقاءنا الليبيين و الجزائريين أكبر ضمان لأمن تونس موش شوليقة إعلامية تفسد العلاقات و تكذب و تنشر مخططات وهمية و اللي أنا متأكد منو هو أن شعبنا من صفاقس و أنت هابط يشتغل منذ قرون مع ليبيا إخوتنا في نفس القبايل (اللي منها المحاميد الله لا تربح اللي سلم البغدادي المحمودي لعصابات ليبية و ربما قبض حقو!!! ومن عهد الترويكا أصل الداء)!

يا سيدي الرئيس قيس موش ها المشاهد هذي اللي يستنا فيها شعبك رد بالك تخسر رصيد 25 جويلية و تتواصل أزمة الحكم راهي تونس عمرو ما حكم فيها راجل وحدو بلا دولة و لا قضاء و لا مشروع.

أقرأ التاريخ و معاه الجغرافيا تتأكد أن ها الشعب هو ديما المتشبث بكرامتو و حقوقو و حرياتو و تشغيل شبابو و الصك اللي عطاهولك موش على بياض و موش بلا أجل! أسمع نصيحة لوجه الله ممن هو أكبر منك سنا و تجربة كفاح و مواقف و عرف منذ طفولتو مقاومة الاستعمار ثم عاش السجون و المنافي و ضحى كيما ضحات الناس الشرفاء و احترم دماء الشهداء….

مقالات ذات صلة

زر الذهاب إلى الأعلى
error: Content is protected !!