خطير .. طبيب أطفال تونسي يؤكد :«فيروس أخطر من كورونا منتشر في تونس»

نشر طبيب تونسي ما يلي:

ال grippe سايي وصلت لتونس عندها 15 يوم، و العلامات الاكثر انتشارا اللي لقيناها للمرض هذا هي السخانة العالية من 39 ل 40 ، الكحة و الفشلة الكبيرة.
كيما تعرفو، العدوى تنتقل بصفة سريعة من انسان لانسان، و المضاعفات البكتيرية الناجمة عالفيروس هذا ( اللي تنجم تكون angine او bronchite ) فاقت نصف عدد الحالات في تونس!
كيما تشوفو في التحليل لوطا، ابين انو لقينا زوز انواع من فيروس الانفلونزا في تونس : نوع A اما خاصة ال B. و للعلم، فما طفل عمرو 9 سنين بزهرو مرض بالزوز انواع انفلوانزا A و انفلونزا B, اما الحمد الله، تم شفاءه بعد ما تطور المرض به الى pneumonie bactérienne.
هالوباء هذا المعروف بال grippe porcine قاعد يدور بصفة قوية هالايامات. و زملائي اطباء الاطفال في تونس اكدوا وجود الفيروس هذا في بلادنا، لكن بالرغم من هذا، ما فما حتى بلاغ من وزارة الصحة حول سبل الوقاية و ما فما حتى حملة توعوية منهم عالمرض هذا، بخلاف les SMS متاع الكورونا.