الاستاذة مريم الغضباني ( ابنة حسن الغضباني) :” أمنيتي لروحي كل ليلة نلحق على بابا”
في تعليق مثير اثارت ردود فعل عديدة كتبت الاستاذة مريم العضباني تعليقا على صفحة الاعلامي حسان بلواعر يرث فيه امه و يتمنى لقاءها قالت فيه ما يلي :ربي يجعل اللقاء قريب ،انا هاذي امنيتي لروحي كل ليلة”.. مما دفع العديد من المتابعين استهجان هذا الامر و الرفع من معنويات الاستاذة مذكرين اياها بتنافي ذلك مع الشرع الاسلامي.
و كانت الاستاذة مريم الغضباني قد كتبت على صفحتها مقال مؤثرا تورد فيه وحشتها لابيها الفقيد المحامي حسن الغضباني جاء فيه :”
حسن قداش توحشتك و متأكدة وفات الدنيا بعدك
زعما قريب نتقابلو؟ كان ترا قداش عندي حكايات و كان ترا شصار بعدك، كان تعرف “مريم بنتي” قداش تقوات و قداش من حياتها ناس مشات
فيبالك كنت محور الحياة؟ فيبالك مشات معاك النعم و اللذات؟ فيبالك خليتني بلا روح؟ فيبالك السر ماعاد فما لشكون بيه نبوح؟
باهي فيبالك تاليفوني ماعادش ينوقز الاربعة و ربع؟ نكذب و نسي و نقول تو ينوقز الثمنية و نص؟ ما ينوقزش و نقعد نبلع و نغص…
فيبالك قريب يوفاو الدموع؟ فيبالك القلب تحرق و تكسرت الضلوع؟
فيبالك العمود تكسر و عمرو ما بش يتجبر؟
تي فيبالك الي روبتك معلقة كيما تحب و ارتاحت مالمحاكم و التعب ؟
فيبالك من نهارت الي مشيت جمدتلي في عروقي الدم و فيبالك الي ما بش نبرد الا ما نخلط عليك و كي ناديلك يا بابا تقلي نعم؟
فيبالك مازلت نحبك و مازال القلب ينبض باسمك؟
خليتها بيا يا صاحبي…
