الممثلة سوسن معالج لاليسا ” الله لا يحقّلك حق لا السنا و لا العام الجاي ..”
كتبت الممثلة سوسن معالج تدوينة تنتقد فيها احياء الفنانين لحفلات صاخبة في وقت يعيش فيه اطفال غزة على وقع القتل و القصف . و قالت سوسن معالج في تدوينة ساخرة موجهة اصابع نقدها الى الفنانة اللبنانيةإليسا :
“
الورطة الغير مسبوقة للفنانين العرب و من وراءها تورّط وسائل الإعلام في مواقف شيزوفرينية بايخه من نوع نمخّط على أطفال غزّة و نشجب و نقاوم ثمّ تمرّ لنغم آليسا :
للصّبح ياليل ، اه يا محلى الليل ويّا حبيبي
الماكياج لضبّوطها و الروبة ميكرو تلعلط وهي تنڤز
ثمّ نعود للأستوديو نحلّل استراتيجيات الحرب و الأزمة المحلية في انتظار الجهات الرسمية الي عمرها لا تكلمت.
و نرجعو كنسكنس لحفلاتنا و عروضنا ، و بلاتواتنا و الله غالب ، هيدا شغلنا !
نتفهّم ورطة الفنانين الي مستحقين يخدمو ولا مازالو صاعدين
أما آليسا وخيتي نديدتي، عندها فوق العشرين سنة تعمل في الحفلات و متعاقدة مع اكبر شركات الانتاج ، تشري أغلى الالحان و أغلى الأشعار ، و تكري أغلى الاستوديوهات و تلبس أغلى الماركات، وعندها ما يعيشها على ثلاثة اجيال قادمة
وقتلك هيدا شغلنا و ما فينا !
تقول مديتلها كاس ڤازوز و جاوبتك : لا ما نشربوش
هيدا شغلنا !
مصرّة يعني ،
توّا ، الشهرين هذوما ، الآن الآن وليس غدا
قالتلكم “الصبح يا ليل ” شغلها ، و ماحدا يحألّوeو
أحكيو معاها …
الله لا يحؤّلك حأّ لا السنا لا عام الجاي
أنت و هاكا بيومي المتحيّل وكل فنان كرتوني من صناعة كبرى شركات الانتاج التجارية العفنة و معاهم قنوات العهر الفني و الاعلامي ، مصيبة إنتاج الفن العربي منذ اندلاع الثورة الاكترونية و الرقمية في ثمانينات القرن الماضي إلى يوم الناس هذا.
شكرا أطفال غزّة
أسقطتم القناع عن القناع عن القناع
