القاضية كلثوم كنو: أي نائب فوق 65 سنة يصوت على أي قانون نجمو نعتبروه ملغى

كتبت القاضية كلثوم كنو على صفحتها بالفيسبوك تعليقا على قرار استثناء من سنهم فوق 65 سنة من الحجر الصحي الموجه والزامهم بالحجر الصحي الشامل وبالتالي عدم مغادرة المنازل قائلة:

نحب نحكيلكم واقعة حصلت في القضاء

كيما يعرف تلعديد من التوانسة الي في عام 1985 تم حل جمعية القضاة الشبان فقرار من الرئيس بورقيبة الله يرحمه وتعزلو بعض أعضاء من المكتب التنفيذي والبعض الاخر تم ايقافهم عن العمل لمدد مختلفة

. القضاة هذوما فيهم الي قدمو قضية في المحكمة الادارية لالغاء القرارات الي اتخذت ضدهم

وبطبيعة الحال القضية رقدت مدة لاباس بها.

وفي عام 1992 صدر حكم تاريخي من المحكمة الادارية بالغاءقرارات العزل

تعرفوش علاش يا جماعة؟؟؟

القضاة الي قدموا القضية مشاو نقبو على مضمون ولادة رئيس مجلس التأديب واستخرجوه من بلدية مكثر وثبتوا للمحكمة الادارية الي السيد الآن الله يرحمه نهارت الي ترأس جلسة مجلس التأديب وصدرت قرارات العزل وقتها كان عمره65 سنة وشهرين

وما كانش عنده قرار تمديد لمواصلة ممارسة القضاء

وقرار التمديد ما ينجم يكون صحح عليه الا رئيس الجمهورية الي في عام 1985 هو بورقيبة

وبما أن في 1991 ماعادش بورقيبة رئيس مستشاري زين العابدين بن علي وحلو ولقاو مشكل كبير خاطر ما ينجموش يدلسو امضاء بورقيبة الي وقتها كان في الحجر

جاتهم فكرة جهنمية اقرحوها على بن علي .

أش عمل ؟؟؟؟

ليلة التصريح بالحكم في القضية وبعد ممارسة ضغط كبير على الهيئة القضائية أصدر بن علي قرار عفو على القضاة المعزولين والي توقفوا مدة عن العمل باش الحكم حتى كان يصدر لصالح القضاة يصبح ما عندوش مفعول باعتبار فما عفو صدر قبل بنهار.

وفعلا من غدوة صدر الحكم لفائدة القضاة المعزولين والي توقفوا فترة عن العمل.

بالصدفة كنت أنا نخدم في دائرة تترأسها قاضية شملتها عقوبة الايقاف عن العمل 3 سنوات والي كانت اكثر وحدة متحمسة للقضية عملتلهم فضيحة باش تسترجع حقوقها قالتلهم ما نحبش العفو متاع رئيس الجمهورية نحب انفذ القرار متاع المحكمة الادارية.

وانتوما اتصوروا وحدكم البقية

مخ الهدرة مادام فما قرار يمنع الناس الي عمرهم فوق65 سنة باش يتنقلو ولازمهم يبقاو في الحجر الصحي الشامل

أي نائب فوق 65 سنة يصوت على أي قانون .نجمو نعتبروه ملغى